Kasperltheater
Hallo Kinder, i glaub i hab Karotten im Ohr
Hallo Kinder, es is nimma ganz wie’s früher woa
Hallo Kinder, i brauchat nu a wenig Mitarbeit
Höfts ma Kinder, gemeinsam komm i dann a recht weit
Am Radl draht a
Kasperltheater
Die Kinder verzaht er
Und wird jeden Tag blada
Und er druckt si
Krawuzi kapuzi
Er lacht und spuckt hi
Der klane Wuzi
I schau mas liaba von der Sitzbank hinten an
I lan mi zruck, Popcorn, i bin gspannt
Bühne frei, es wird improvisiert
A Kasperltheater und die Zuckerl inkludiert
Hallo Kinder, es wird Zeit dass wer mit eich redt
Na i beiß net, owa i wü, dass ihr mi alle verstehts
Wir san ans und höfn uns wann wer wos braucht
Und i brauch jetzt wos von eich es brennt scho i siag scho an Rauch
Am Radl draht a
Kasperltheater
Die Kinder verzaht er
Und wird jeden Tag blada
Und er druckt si
Krawuzi kapuzi
Er lacht und spuckt hi
Der klane Wuzi
I schau mas liaba von der Sitzbank hinten an
I lan mi zruck, Popcorn, i bin gspannt
Bühne frei, es wird improvisiert
A Kasperltheater und die Zuckerl inkludiert
Mach ma Meter
Ziag deine dämpftn Schuach
Und die Sonntagslaufgwand an
Heit mach ma Meter um Meter
Bis kana mehr kann
Sag jedem, den du kennst Bescheid
Lad die Leit von oben ein
Heit mach ma Meter um Meter
Nach hinten mei Freind
Mach ma Meter wo ma Meter finden
An Schritt nachm andern nach hinten
Mach ma Meter wo ma Meter segn
An Schritt nach hinten und weidageh
Nachm letzten den nächsten Schritt
Da Gegenwind hüft mit
Wir machen Meter um Meter
Wer heit gwinnt verliert
Drah di um kumm her
Wir spün Gegenverkehr
Wir machen Meter um Meter
Da geht scho nu mehr
Mach ma Meter wo ma Meter finden
An Schritt nachm andern nach hinten
Mach ma Meter wo ma Meter segn
An Schritt nach hinten und weidageh
Billigflieger
Red ma drüber hoach ma zua wann ma soin
Du und i san ans kumma zam
Dann werd mas a schaffen, wann ma wirklich woin
Dass die Autos a weng a größere Straßen ham
Du und i wir san ans kumma zam
Dass die Autos a weng a größere Straßen ham
A Ziel definiern, des jeder versteht
Des Ego nach hinten und sachlich diskutieren
Dann werd mas a schaffen wann ois guat geht
Dass ma ois a bissl mehr zuabetoniern
Des Ego nach hinten und sachlich diskutiern
Dass ma ois a bissl mehr zuabetonieren
Lassts ois liegen wir werdn braucht
Wir schraubn olle zruck a wann mas gspian
Dann werd mas a schaffen wann ois guat geht
Dass ma trotzdem alle wieder billigfliagn
Wir schraubn olle zruck a wann mas gspian
Dass ma trotzdem alle wieder billigfliagn
Du machst mi fertig
Sei ma net bes, du machst mi fertig
Sei ma net bes, du machst mi miad
Und wann i di so anschau
Hab i des Gfühl dir geht’s wie mir
Sei ma net bes, du machst mi fertig
I hab des Gfühl du passt net auf
Mit jedem foischen Meter mehr
Zoi ma beide drauf
Bitte vasteh es macht mi miad
Wann i vorher scho waß wos passiert
Und i di siag und gspia wie du wieda probierst
Dass es morgen genau so sei wird
Sei ma net bes, du machst mi fertig
Sei ma net bes, du machst mi miad
Und wann i di so anschau
Hab i des Gfühl dir geht’s wie mir
Sei ma net bes, du machst mi fertig
Sei ma net bes, du machst mi oid
Und wann i di so anschau
Waß i net wer vorher foit
Mir kumm vor i red gegen a Wand
Alla und trotzdem gegneinand
A schiaches, schiefes Spiegelbild
Des z’Fleiß mit mir vaspüt
Sei ma net bes, du machst mi fertig
Sei ma net bes, du machst mi miad
Und wann i di so anschau
Hab i des Gfühl dir geht’s wie mir
Sei ma net bes, du machst mi fertig
Es wird a nimma werdn
I streichelt di, du streichelst mi
Und dann gemma beide sterbn
Is eh scho wurscht
Dunkelblaue Augenring
trinkt er, hat kan Durst
Der Magen rebelliert, der Schädel singt
Is eh scho wurscht
Der Weg is weit, die Fiaß san schwa
und sche langsam wird’s scho hell
Is eh wurscht wo er is alla
Is eh wurscht wann er net fehlt
Is eh scho wurscht
Bis dann im nächsten Leben
Is eh scho wurscht
Von mir aus meinetwegn
Er hat glernt, dass relevant sei
Net wirklich existiert
Ma glaubt, ma is, ma redt si’s ein
Ma is wurscht wann ma ehrlich is
Er hat dann gseng es geht a so
Und wirklich braucht wird er net
Wann a miaßat, dann kunnt a scho
Owa wurscht wanns a so geht
Is eh scho wurscht
Bis dann im nächsten Leben
Is eh scho wurscht
Von mir aus meinetwegn
Dunkelblaue Augenring
Ma heat eam wie er huascht
Irgendwo mit nasse Jeans
Liegt er, owa wurscht
I hob nua gschaut
Ob er ma helfen kann, i wirk verlorn
Ob i wos Bestimmtes suach, i kunnt wo spoan
Er würd sogoa für mi ins Lager foan
Es wa grod Schlussverkauf und außerdem
Sperrns sowieso boid zua und deswegen
Verliert er eigentlich Göd warum überlegn
Du danke na i hob nua gschaut
dann hab i gseng des wos i brauch
kann i eh net haben
wiedaschaun
Du danke na i woit nua schaun
Ob i’s vielleicht kaufen kann
I werds scho finden
Irgendwann
So a fetziges Messerset - der letzte Schrei
Mit dem riesen Fernseher war i vorn dabei
Und a neiches Auto soi wie a neichs Leben sei
I find ganz sicha was hat er gmant
Bis jetzt is jeder nu zfrieden ham
I soi ruhig nu a weng schaun, dass I nix versam
Du danke na i hob nua gschaut
dann hab i gseng des wos i brauch
kann i eh net haben
wiedaschaun
Du danke na i woit nua schaun
Ob i’s vielleicht kaufen kann
I werds scho finden
Irgendwann
I sag: “Danke, seawas, I muaß dann geh!”
I geh ausse aus da Tür und denk ma i versteh
I muaß jo goa nix kaufen
Imma des konsumiern und suggeriern
Von de poa gstopften Idioten
Wir soiten die Konten eifrieren
Und Besitz gheat verboten
Dann is des ganze Geld ka Problem
Und dann zreißts des gschissene System
Und dann bleib i vorm nächsten Schaufenster steh
Kistn Porzellan
Den Finger oben hams uns probiert erklären
Machts kann Bledsinn verkaufts es kam
Sats guat, sats gscheid
Und passts uns auf auf die Kistn Porzellan
Passts uns auf, Passts uns auf
Passts uns auf auf die Kistn Porzellan
Beschriftet hams es in Blockbuchstaben
Wir ham net moi gwoat bis gstoabn san
Wir hams wegradiert, vergessen und dann
Passt kana auf auf die Kistn Porzellan
Passts uns auf, Passts uns auf
Passts uns auf auf die Kistn Porzellan
Den Finger auf uns, sie ham uns kennt
Und sie schrein, wir woins net hean:
„Die Guatn habts verkauft den Rest ruiniert
Hätts aufpasst auf die Kistn Scherbn“
Die Nasen im Himmel, die Woikn beben
Owa wirklich jucken duat des kann
Weg mit dem Zeig so lang ma leben
Und wer passt auf auf die Kistn Porzellan
Passts uns auf, Passts uns auf
Passts uns auf auf die Kistn Porzellan
Wir machens zua und hoin an Stift
Weil ma glauben, dass ma jetzt gscheida san
Drum schreib ma in Blockbuchstaben drauf
Passts uns auf auf die Kistn Porzellan
Passts uns auf, Passts uns auf
Passts uns auf auf die Kistn Porzellan
Zebrastreifen
Wir hätten s’Reden probiert
An die Vernunft appelliert
Zehntausend Studien zitiert
Und lang, vü zlang, den ganzen Schwachsinn toleriert
Wir werden die Straßen aufreißen
Den Weg uns weißen
Für an echten Zebrastreifen
Sie ham gmant sie verstengans eh
Sie wissen jo eh um was geht
Sie woin nur, dass ma verschwinden
Und gemeinsam an wirtschaftlich, profitablen Zugang finden
Wir werden die Straßen aufreißen
Den Weg uns weißen
Für an echten Zebrastreifen
Die Straßen umgraben
Und allen sagen
Dass wir a jetzt endlich unsan Weg haben
Nachhaltig wirtschaftlich profitabel die Welt optimiern
Stetiges Wachstum, Dividenden und hoit nix emissiern
Grünes Waschen fürn Pöbel und dabei net den Wirtschaftsstandart velieren
Prioritäten, Messagecontrol und die bessan Freind subventioniern
Es reicht
A klana Mucks
A Augenroin
A Mundverziagn oder amoi nu liagn
Dann reicht’s
S’Faßl is voi
A Tropfal dazua
A klana Milliliter nu, jo du
Dann reichts
Es reicht, S’Maß is voi
Amoi nu jo nu amoi
Owa dann mei liaba
Dann reichts
Es reicht, amoi nua nu
Schwör i da, dann is es gnuag
Jo dann, mei liaba
Dann reichts
A letztes Moi, glaub ma
Schau i ma des nu an
Owa dann, jo du
Dann reichts
Es reicht, S’Maß is voi
Amoi nu jo nu amoi
Owa dann mei liaba
Dann reichts
Es reicht, amoi nua nu
Schwör i da, dann is es gnuag
Jo dann, mei liaba
Dann reichts
Gletschersterbnschaun
A Absperrbandl
und a Schaulustigenzaun
Wir san Gletschersterbnschaun
A bissl Eintritt fürs Budget zum Schneekanonenbaun
Dann schneibts kurz und dann kimma
Gletschersterbnschaun
Gletschersterbnschaun
A angenehm temperierte Vernissage am Berg
Mit kritischem Blick auf Bergatelier baun
Wir san Gletschsterbnschaun
Gletschersterbnschaun
A Standl, a Bier, a Spritzer, a Kaffee
Im Fichtenholzpausenraum
Finanziell vernünftig und trotzdem
Gletschersterbnschaun
Oder a Schüssel frischer Schmelzkavier
Und Gletschersektempfang
Weil wann scho dann scho
Gletschersterbnschaun
Gletschersterbnschaun
Oama weißa Kota
Lass die streicheln hast di verennt
Die oamen Pfoten voller Blodan
Vom standhaft bleiben im Zement
Oama oida weißa Kota
Wohin rennt da die Zeit
He wie schwa ist für di heit
Oama oida Kota
I kann mas eh guat vorstön
Die Knödel miaßn die quäln
Oama blada Kota
Wann nur jeder so wie du wa
Wars afocha
Oama weißa Kota
Lass da helfen, waßt net wohin
Die feuchten Augen frogad
Ois z’kompliziert und neamt fragt di
Oama oida blada Kota
Wohin rennt da die Zeit
He wie schwa ist für di heit
Oama oida Kota
I kann mas eh guat vorstön
Die Knödel miaßn die quäln
Oama blada Kota
Wann nur jeder so wie du wa
Wars afocha
Oama weißa Kota
Is dir schwindlig is die schlecht
Die Stand immer mehr woglat
Vom Wind von vorn, von links, von rechts
Oama blada weißa Kota
Wohin rennt da die Zeit
He wie schwa ist für di heit
Oama oida Kota
I kann mas eh guat vorstön
Die Knödel miaßn die quäln
Oama blada Kota
Wann nur jeder so wie du wa
Wars afocha
Oama weißa Kota
Stö di net an, stö di an
Stö di net an, stö di an
Du kommst scho nu dran
Stö di net an, stö di an
Es rennt da nix davon
Stö di net an, stö di an
Es is natürlich net optimal
Stö di net an, stö di an
Wos is scho ideal
Gscheida ois am Schädl a Sta
Hüft‘s nix schad’s nix
Stö di net an
Geh weida bledl net funkionier
Stö di an kriagst a Urkundn vo mir
Und dann parier
Stö di net an, stö di an
Bist eh boid an der Reih
Stö di net an, stö di an
Des schwerste is vorbei
Stö di net an, stö di an
Wannst weidakomma magst
Stö di net an, stö di an
Des hoitst scho aus s’vertragst
Gscheida ois am Schädl a Sta
Hüft‘s nix schad’s nix
Stö di net an
Geh weida bledl net funkionier
Stö di an kriagst a Urkundn vo mir
Und dann parier
Bis mi zreißt
I lass di eh a Oaschloch sei
Geh gib eam, geh ruhig steil
I schau eh zua wiesd jedem am Schädel scheißt
Bis mi zreißt
I lass di eh a Oaschloch sei
Bleib ruhig so, bleib dabei
I schau eh zua wiesd über jeden drübakräust
Bis mit zreißt
I lass di eh a Oaschloch sein
Geh mach Meter, geh vorbei
I schau eh zua wie du ununterbrochen verteilst
Bis mi zreißt
Drum heb i s’Glasl
Es is net wirlklich wos passiert
Zumindest net wirklich mehr
I merk wie’s immer größer wird
Langsam, immer weida kommts ohne Aufregung daher
Drum heb i s’Glasl, sag zum Wohl
Soits lebn
I waß net wo i anfanga soi
Drum liaba goa net redn
Drum sog I past scho es geht ma guat, auf jeden Foi
Hoit s’Lebn
I waß net wo I aufhean soi
Drum liaba goa net redn
Es is scho wieda nix passiert
Zumindest net wirklich wos
I merk wie’s immer größer wird
Langsam, immer weida, wie a klana Sprung im Glas
Drum heb i s’Glasl, sag zum Wohl
Soits lebn
I waß net wo i anfanga soi
Drum liaba goa net redn
Drum sog I past scho es geht ma guat, auf jeden Foi
Hoit s’Lebn
I waß net wo I aufhean soi
Drum liaba goa net redn
A bissl wos Foisches
Da Abend is kurz vor da Nacht
Den Tag erfolgreich umebracht
Des Zü woa, dass es Abend wird
Zü erreicht, weil definiert
Jo i find heit woa eh
Gnuag Richtigs dabei es woa ok
Drum mach i mas ab jetzt a bissl sche
Ich mach eh a wos richtig
I dua wos i kann
Nua a bissl wos Foisches soid drin sein
Ab und an
Jo i mach’s eh meistens richtig
I reiß mi eh zam
Nur a bissl wos Foisches soid drin sein
Hie und dann
I hab gheat und des glaub i scho
Dass ma aus Fehlern lerna kann
Na und kommt des Foische dann öfters daher
Guat für mi, dann lern i mehr
Jo ganz ehrlich, des Foische heit
Woa überschauboa drum is Zeit
Dass i jetzt moi mach was mi gfreit
Ich mach eh a wos richtig
I dua wos i kann
Nua a bissl wos Foisches soid drin sein
Ab und an
Jo i mach’s eh meistens richtig
I reiß mi eh zam
Nur a bissl wos Foisches soid drin sein
Hie und dann