Optimistengrab
I hab ma dacht da Weg is asphaltiert
I hab ma dacht die Zeit selektiert
I hab ma dacht wir fliagn eh da hin, wo da Wind hinwaht
I hab den Verdacht da Wind hat draht
I hab ma dacht wir kinnan drüba redn
I hab ma dacht wir wean uns scho versteh
I hab ma dacht, dass ma sicha wos find bevor ois in Bach owerinnt
I hab den Verdacht wir ham si’s so verdient
Wos was i, wos was i,
wos was i wos i ma dacht hab
i lieg im Optimistengrab
I hab ma dacht des Spü is da zum spün
I hab ma dacht wer schiaßt wird scho zün
I hab dacht bevor ois zamkracht steh ma sicha auf die Fiaß
I hab den Verdacht es kracht net, es fliaßt
Wos was i, wos was i,
wos was i wos i ma dacht hab
i lieg im Optimistengrab
i wü net, i wü net
na i eich net die Freid verderbn
i bin unta da Erdn
Wos was i, wos was i,
wos was i wos i ma dacht hab
i lieg im Optimistengrab
Mensch, ärger di net
I sag an Zwanzger, an Vierzger an Hunderter an
Spü Vallat, spü Ouvert mit Trui und alle Saun
Wos kost di Wöd
I sag Schachmatt, uno uno, Mühle zua
I Ärmel drin Ass, Kini, Dam, Zehna und Bua
Mensch ärger di net
Wos schaust ma in de Koatn schau net so drein
Glick ham kann vererbbar sein
Man kann des Vogerl scho domestiziern
Regeln san sowos von net part oft the game
Du kannst di scho dran hoitn is eh guat und schen
Du wirst des Spü hoit valiern
I sag an Zwanzger, an Vierzger an Hunderter an
Spü Vallat, spü Ouvert mit Trui und alle Saun
Wos kost di Wöd
I sag Schachmatt, uno uno, Mühle zua
I Ärmel drin Ass, Kini, Dam, Zehna und Bua
Mensch ärger di net
I hätt do nu an Läufer und an Bauern für di
An Pagat dafia und an Mond und an Sküs
Jo i denk scho des vadien i
A Hand wascht di andere und meine hoit die Trumpf
Olles blitzsauber im tiafn Sumpf
Geh gib ma nu an Ober und an Kini
I sag an Zwanzger, an Vierzger an Hunderter an
Spü Vallat, spü Ouvert mit Trui und alle Saun
Wos kost di Wöd
I sag Schachmatt, uno uno, Mühle zua
I Ärmel drin Ass, Kini, Dam, Zehna und Bua
Mensch ärger di net
Schau
Beim Siedler bist imma da Räuber
Beim DKT baust Hotels statt Häuser
Beim Pokern schaust olle in d’Karten ein
Und bei Fuchs und Henn soist imma a Fuchs sei, du Fuchs
I sag an Zwanzger, an Vierzger an Hunderter an
Spü Vallat, spü Ouvert mit Trui und alle Saun
Wos kost di Wöd
I sag Schachmatt, uno uno, Mühle zua
I Ärmel drin Ass, Kini, Dam, Zehna und Bua
Mensch ärger di net
Zuckerlgschäft
Jojo die Kinder im Zuckerlgschäft am Tag der offenen Tür
Überall moi einegrobn und ordentlich Bauchweh kriagn
Jojo wie die Kinder im Zuckerlgschäft links und rechts a Schlang
Mund auf, Augn zua und eine den Dreck, im Magen kommt eh ois zam
Große Augn, unschuidig und rund
a klana Speicheltropfen hängt am Mund
Was muaßt denn nu wissen, wos is den nu wichtig
Zuckerl san supa Zuckerl san richtig
Jojo die Kinder im Zuckerlgschäft am Tag der offenen Tür
Überall moi einegrobn und ordentlich Bauchweh kriagn
Jojo wie die Kinder im Zuckerlgschäft links und rechts a Schlang
Mund auf, Augn zua und eine den Dreck, im Magen kommt eh ois zam
De Leit do draußen, de schrein
Sie sagen: „Die Zuckerl san foisch und a der ganze Zuckerlverein“
„De san jo wo angrennt, verzapfn nua Bledsinn“
Sagt der große Zuckerlmeister im Zuckerlgschäft drin
Jojo die Kinder im Zuckerlgschäft am Tag der offenen Tür
Überall moi einegrobn und ordentlich Bauchweh kriagn
Jojo wie die Kinder im Zuckerlgschäft links und rechts a Schlang
Mund auf, Augn zua und eine den Dreck, im Magen kommt eh ois zam
Zuckerl san supa, Zuckerl san richtig
Zuckerl beruhigen, Zuckerl san wichtig
Zuckerl san afoch, foisch und rund
Wos so Zucker ausschaut is sicha gsund
Jojo die Kinder im Zuckerlgschäft am Tag der offenen Tür
Überall moi einegrobn und ordentlich Bauchweh kriagn
Jojo wie die Kinder im Zuckerlgschäft links und rechts a Schlang
Mund auf, Augn zua und eine den Dreck, im Magen kommt eh ois zam
Menschenskinder
Nasse Fiaß im koitn Winter
Koite Finger Menschenskinder
Eh ganz tragisch owa Recht muaß Recht bleibn
Menschenskinder soin im Schlamm kräuln
Hauptsach stoak bleibn schau die Umfragen
Menschenskinder soin uns net plagen
Meschenskinder, Recht muaß Recht bleiben
He ganz ehrlich, i kunnt eich anspeibn
He ganz ehrlich, s’is entbehrlich
Wo samma daham
Da Kopf im Sand die Fiaß im Zement
Dass kana schaut und heat und rennt dorthin wo’s brennt
Nasse Fiaß im koitn Winter
Koite Finger Menschenskinder
Eh ganz tragisch owa Recht muaß Recht bleibn
Menschenskinder soin im Schlamm kräuln
Hauptsach stoak bleibn schau die Umfragen
Menschenskinder soin uns net plagen
Meschenskinder, Recht muaß Recht bleiben
He ganz ehrlich, i kunnt eich anspeibn
Imma wieda und wieda, net zum anschaun
Aus de Ohrn und aus de Augn
Komm spüts: Wer is da stärkste im ganzen Land?
Supa Spü. I bin gspannt…
Nasse Fiaß im koitn Winter
Koite Finger Menschenskinder
Eh ganz tragisch owa Recht muaß Recht bleibn
Menschenskinder soin im Schlamm kräuln
Hauptsach stoak bleibn schau die Umfragen
Menschenskinder soin uns net plagen
Meschenskinder, Recht muaß Recht bleiben
He ganz ehrlich, i kunnt eich anspeibn
Daham
Wir bleibn daham
und draußen geht die Wöd grod unter
Wir bleibn wo ma san
I man i tram
A Feiawerk und ois bleibt dunkel
Wir bleibn wo ma san
Guade Nacht Wien
Tram vo morgen
Tram trotzdem sche
Bitte schlaf heit für mi
Heit Nacht is gstoabn
Bitte vasteh
Wir bleibn daham
Und draußen geht die Wöd grod unter
Wir bleibn wo ma san
Wir bleibn daham
Weißes Rauschen, blaues Funkeln
Wir bleibn wo ma san
Guade Nacht Wien
Tram vo morgen
Tram trotzdem sche
Bitte schlaf heit für mi
Heit Nacht is gstoabn wordn
Bitte vasteh
Wir bleiben daham
Und draußen geht die Wöd grod unter
Wir bleibn wo ma san
Wir bleibn daham und hoffn draußen auf a Wunder
Wir bleibn wo ma san
Zauberteppich
Zauberst hoit nu an Teppich her
Mit gnuag Platz zum drunterkehren
Wirst dann hoit wos was i wer
Lass da nix sagen, muaßt net zuahean
Staubsauger
Geh dua ma gschwind an Gfoin un mach den
Staub sauber
I kann an Teppich hoitn dann hat er
Auszaubert
I hüf da beim Zamroin und beim Verstaun
Wiedaschaun
Fliagad durch Nacht und Wind
Wie Jasmin und Alladin
Zauberei der Teppich kummt
Imma zu de gleichn foischn Hund
Staubsauger
Geh dua ma gschwind an Gfoin un mach den
Staub sauber
I kann an Teppich hoitn dann hat er
Auszaubert
I hüf da beim Zamroin und beim Verstaun
Wiedaschaun
Bam
Wir ham Schaufel, Setzling und Arbeitshandschuach an
Und 50er Sonnencreme drauf
Wir stön eich an Bam auf, wir grobn eich die Erdn um
Wir haun nun an Adl drauf
Woats nu in a poa
So 10, 20, 30, 40 Joa
Steht eich dann der Bam im Gsicht
Dann werds eich anschaun hoffentlich
Wir graben oft minutenlang ohne Pause
Ham präventiv scho Blasenpflaster drauf
Wir stön eich an Bam auf, wir graben eich die Erdn um
Wir haun a Substral drauf
Woats nu in a poa
So 10, 20, 30, 40 Joa
Steht eich dann der Bam im Gsicht
Dann werds eich anscheißn hoffentlich
Wir san olle bis in die Zechnspitzen mäßig motiviert
San sogoa bei Nieselregn manchmoi draußt
Wir stön eich an Bam auf, wir graben eich die Erdn um
Wir lassen den Regn drauf
Woats nu in a poa
So 10, 20, 30, 40 Joa
Steht eich dann der Bam im Gsicht
Dann werds eich anscheißn hoffentlich
Huat
I kauf an Haut und hau eam drauf
An teuren Huat in edlem grau
I kauf an Haut und hau eam drauf soboid i kann
I kauf an Haut und hau eam drauf, ciao
Wann scho dann scho immahin
Schmeißt ma den Huat nua amoi hin
Dann deaf des ruhig a feines Leder sein
Hättat i warat i würd i scho lang
Den Huat mit Anlauf in Dreck ghaut ham
Nur passen soit a scho und guat ausschaun dabei
I kauf an Haut und hau eam drauf
An teuren Huat in edlem grau
I kauf an Haut und hau eam drauf soboid i kann
I kauf an Haut und hau eam drauf, ciao
Mei Huat, der hat 3 Löcher
Und die Löcher wean jeden Tag größer
Zum Draufhaun net des richtige Exemplar
I bin jo net woa a nie recht kompliziert
I bin nur grad unrund und imma so miad
Und schwindlig vom ganzen im Kreis drahn is ma a
I kauf an Haut und hau eam drauf
An teuren Huat in edlem grau
I kauf an Haut und hau eam drauf soboid i kann
I kauf an Haut und hau eam drauf, ciao