Wanns afoch wär würds Fußball haßn
Warum sitzt do wer i hob reserviert
Wieso hoach i auf den der si auffiat
Warum mach i Platz wann si wer vire drängt
Oder steh um 5i auf am Wochenend
Warum schau i ma a was mi aufregt
Oda hab mi gestern mit dem Depp anglegt
Warum kann i net amoi kurz chün
Ohne Handy und Internetskibrün
Warum kann i da grad net sagt
Warum? Weils net geht
Was i aber sagn kann
Warum net
Weil
Wanns afoch war wars leicht
Wanns afoch war würds Fußball haßn
Afoch a Wiesn, afoch a Boi
Afoch laufen und umfoin
Afoch vire und zuschaun
Wie da Rasn bliaht
und dann
Afoch s
pinna wann ma valiert
Warum drah i durch beim Adventkranzbinden
Warum kann der Gstopfte Instanzen erfinden
Warum wü i dann zu denen ghean
Und dua ma eana Suderei anhean
Warum reicht ois Grund „is hoit so“
Warum brauch i nu ewig und schreib „bin boid do“
Wieso hobi wann i foisch lieg valorn
Und warum spinn ma wann ma verlorn ham
Warum kann i da grad net sagt
Warum? Frag net bled
Was i aber sagn kann
Warum net
Weil
Wanns afoch war wars leicht
Wanns afoch war würds Fußball haßn
Afoch a Wiesn, afoch a Boi
Afoch laufen und umfoin
Afoch vire und zuschaun
Wie da Rasn bliat
und dann
Afoch spinna wann ma valiert
Feinripp
Er hat a Ketterl und a Feinripp
Ohne gfragt wean an Geheimtipp
A Briaf des anzge wos er aufgibt
Und kana der si mit eam anlegt
Wann i groß bin und es an mir liegt
Mag i a Ketterl und a Feinripp
Er hat a Ketterl und a Feinripp
Und an Bro mit am Feinripp
Dem er vorm Mikro immer recht gibt
Wann die Feinripperl die Wöd siecht
Wann i Bro bin und es an mir liegt
Mag i an Podcast und a Feinripp
Er hat a Ketterl und a Feinripp
Und an Schlitten, der, wann a Blei gibt
Von 0 auf 100 so beschleunigt
Dass der Beta Mann nur Staub siecht
Wann i groß bin und es an mir liegt
Mag i an Porsche und a Feinripp
Er hat a Ketterl und a Feinripp
Und an Sta der von innen reinigt
Den er zu am Freinschaftspreis kriagt
Und fia an Freinschaftspreis seine Freind gibt
Wann i groß bin und es an mir liegt
Wü i zum Freindschaftspreis a Feinripp
Pizza Hawaii fia olle
Passt scho, wir schreiben schwoaze Zoin
Und Festl wann sie foin
A bissl zvü Fingerspitzengfüh
Oda weit weit aussi übers Zü
Einsteigen aussteigen Huckepack und oben die Großen
Da guate Durchschnitt is so nah
Kaffeereibn, Kaffeereibn, Zuckerstoßn, Zuckstoßn
Beide Händ bleibn do
Eiskaffee im Winter im Garten
Im Bad am Sommerwarten
Sonnecreme für Fräulein Holle
Pizza Hawaii für olle
Null oda ans net beides oda kans
Nix dazwischen, drunter drüb
Null oda ans bleibt üba
Ka Stress, siags eng, siags weit,
siags locker, siags ruhig strenger
Die Ersten wean die letzten sei
Die Letzten brauchen eh scho länger
Eiskaffee im Winter im Garten
Im Bad am Sommerwarten
Sonnecreme für Fräulein Holle
Pizza Hawaii für olle
Er fiacht si
So a Viech
Muads a Figur
Ka Stier hot so a Knack
Do is die Richtung
Do bleib ma stur
Zack, zack, zack
Der Hustinettenbär kunnt neidisch wean
Owa er hat mehr Angst vor dir wie du vor eam
Er fiacht si
Is net koomplizert nana
Er fiacht si
Er is verwirrt und ganz vü
Fiacht a si
Wann so wird
Wann a des gspiat
Wann a droht
Fiacht a si z’Tod
Diskutiern
Is fia de Schwachen
Wüst du a Beta bleibn
Dominiern
Einekrochn
Wie sois sonst später sei
Der Hustinettenbär kunnt neidisch wean
Owa er hat mehr Angst vor dir wie du vor eam
Er fiacht si
Is net koomplizert nana
Er fiacht si
Er is verwirrt und ganz vü
Fiacht a si
Wann so wird
Wann a des gspiat
Wann a droht
Fiacht a si z’Tod
I muaß streitn
Wichtig is moi einekrachen
Zerst amoi a Wand aufstön
D’Rasierkling an die Halsschlagader
Ganz leicht anschneidn meinetwegn
Und bevor nu irgendwas passiert
A Watschn links und rechts auflegn
Gescheid anschrein und an Mund zuapickn
Dann kimma redn
Lassts mi durch, lassts mi weida machts ma Platz
S’is wos passiert -geht’s auf d’Seitn
Lassts mi durch, geht’s bitte weida, machts ma Platz
Es pressiert - i muaß streitn
Die Fiaß zum Feia bis guat durch san
A Büschel Hoa mitversengt
Und weil vom Schrein da Hois austrocknet
Porentief reinen Wein eingschenkt
Zum drüberstreuen die eigene
Schimpfkolletkion zum Bestn gebn
Wengam guadn Ton nu ane aufglegt
Jetzt kimma redn
Lassts mi durch, lassts mi weida machts ma Platz
S’is wos passiert -geht’s auf d’Seitn
Lassts mi durch, geht’s bitte weida, machts ma Platz
Es pressiert - i muaß streitn
Subkulturrat Waldemar
Der klane Waldemar hat seinerzeit
Vom Stockbett oben great ois Kind
Er woit nach unten zu die Lichter
Er hat gwusst do gheat a hin
Er is öda woan, da Drang is bliebn
Er hat goabeit dafia fruah und spot
Irgendwann woa Waldemar
Selbsternannter Subkulturrat
Kaffee- und Spritzerconnoisseur
Der Nam am Stammtisch eingraviert
A verlorna Tag is ka Malheur
Die letzte Tschick is reserviert
„Woidi“, „Woody“, „Gschissena“
Er kommt wann sie sein Namen blean
Ois Hin und Hergerissener
Hat ma scho moi Zeit zum Einkehrn
A Leben lang a Lebn gebn
Fia die, die er verstehen kann
Die jeden Tag ihr Leben leben
Ois warn sie ois nächstes dran
Am Gürtel imma auf und ab
Am Graben woa eam meistens schlecht
So grabt er si langsam sei Grab
Zwischen Carina und Weberknecht
Er is nie z’boid er is nie z‘spot
Er heat: Seawas Gschissena
Schaut a hi, er hat Zeit jetzt grod
subkultureller Missionar
und is eam koit und friat a grod
schrein se: kumm her Gschissena
Er trinkt was a da andere hat
Subkulturrat Waldemar
Beim Trinken is a net so haglich
Schnaps wanns sei muaß, Bier und Spritzer
Nur Zwiebelsenf vatrogt a net
Die Diät is Kebab, Schnitzel, Pizza
Er gibt a gern a Stickl ab
Am Gürtel wird oft a Essn braucht
Fia a poa, die imma Hunga ham
und a poa ham die Nacht übataucht
Woody bleibt und redt a gern
Is per du kennt vü Gschichtn
Wü a gern die Gschichtn hean
Lasst dann beim Geh an liabn Gruaß ausrichten
und is eam koit und friat a grod
heat a: Seawas Gschissena
Schaut a hi, kriagt an Platz
Subkulturrat Waldemar
Der Subkulturrat Waldemar
Gspiat immer mehr sei Herzerl pochen
So wie er is so wie er woa
Wird er nie Karriere machen
Und so ois erste Amtshandlung
Beschließt der Subkulturrat Waldemar
Dass er mehr Respekt verdient
Net du, bitte Sie Gschissena
Die zerissene Jeans gengan Anzug tauscht
Der Graben wird gern frequentiert
Zigaretten vom Boden wean nimma graucht
BWL und Jus immatrikuliert
Da Plan geht auf, ma nimmt eam woa
Interviews gibt’s nur mehr gegen Honorar
Und boid, so vü is eam kloa
Is a mehr ois nur Subkulturrat Waldemar
Und hochverdient darum
sitzt da Gschissene heit
Im Subkulturministerium
Und schimpft an Hofrat wanns eam gfreit
Er is nie z’boid er is nie z‘spot
Auf seim Tisch a Sektkanister
Da Gschissene hat es gschofft
Er is jetzt Subkulturminister