Kurz a Trottl
I glaub es gibt mehr guade Leit
I glaub es muaß so sei
Weils lang und vü braucht bis de Sandburg steh bleibt
Und nur kurz an Trottl, dann stürzts ei
Nur kurz an Trottl
dann stürzts ei
I glaub die meisten Leit san gscheid
I glaub es muaß so sein
Weils Zeit braucht, dass ma Schwarzweiß in Foabn aufteilt
Und nur kurz an Trottl zum eineschrein
Nur kurz an Trottl
zum eineschrein
I glaub die meisten Leit san guat
I glaub a es bleibt schwer
Weil jedes Moi wann si a Fenster Hoffnung aufduat
Kommt a neicha Trottl daher
A neicha Trottl
Kommt a neicha Trottl daher
Mann passiert
Wie a Naturgesetz
erforscht und validiert
wannst di verletzt
is es hoit passiert
Wie a oids Erbstück
Des ma jeden Tag poliert
Wannst da weh duast
Is es hoit passiert
Pass auf, pass bitte auf
Dass da nix passiert
Es is übernatürlich, unkontrollierbar
Unvermeidbar, einzementiert
Da kann ma nix machen, leida
Mann passiert
Wie a klarer Fall
Wo kana diskutiert
Wannst draufgehst
is es hoit passiert
Pass auf, pass bitte auf
Dass da nix passiert
Es is übernatürlich, unkontrollierbar
Unvermeidbar, einzementiert
Da kann ma nix machen, leida
Mann passiert
Nostalgiegeschwängert
Die Zeit is reif
I bins a
I bleib dabei
I bleib schwa
Oid und mild
Statt jung und schoaf
Und neben da Raika
Steht mei Kirchn im Dorf
Nostalgiegeschwängert
Es hat si nix verändert
Es is so bliebn es soi so bleibn
Nostalgiegeschwängert
Und fois si wos ändert
Bleib i liegn auf da großen Scheibn
A Baum, a Haus
A Kind, a Kredit
Und dann durchziagn
Ziag mit
Vollzeit hackeln
Oder hoit oam sterbn
Leistung soi
Belohnt werdn
Nostalgiegeschwängert
Es hat si nix verändert
Es is so bliebn es soi so bleibn
Nostalgiegeschwängert
Und fois si wos ändert
Bleib i liegn auf da großen Scheibn
Oama weißa Kota
Lass die streicheln hast di verennt
Die oamen Pfoten voller Blodan
Vom standhaft bleiben im Zement
Oama oida weißa Kota
Wohin rennt da die Zeit
He wie schwa ist für di heit
Oama oida Kota
I kann mas eh guat vorstön
Die Knödel miaßn die quäln
Oama blada Kota
Wann nur jeder so wie du wa
Wars afocha
Oama weißa Kota
Lass da helfen, waßt net wohin
Die feuchten Augen frogad
Ois z’kompliziert und neamt fragt di
Oama oida blada Kota
Is dir schwindlig is die schlecht
Die Stand immer mehr woglat
Vom Wind von vorn, von links, von rechts
Oama blada weißa Kota
Wohin rennt da die Zeit
He wie schwa ist für di heit
Oama oida Kota
I kann mas eh guat vorstön
Die Knödel miaßn die quäln
Oama blada Kota
Wann nur jeder so wie du wa
Wars afocha
Oama weißa Kota
Wen juckt‘s
Wen stört’s scho wen juckt’s
Wann Liadl ausklingt
Und kana mehr singt
Wen stört’s schon wen juckt’s
Wann die Baustell aufheat
Und die Fassaden abfärbt
Wen stört’s scho wen juckt’s
Wann’s kann Tuscha macht
Und es trotzdem zamkracht
Wen stört’s scho wen juckt’s
Wann irgendwo ana mehr draufgeht
Und es si irgendwann, irgendwo nimma ausgeht
Wen stört’s scho wen juckt’s
Wann die Foab ausbleicht
Und die Fassaden einreißt
Wen stört’s scho wen juckt’s
Wann’s kann Tuscha macht
Und es trotzdem zamkracht
Wen stört’s scho wen juckt’s
Wann ana mehr alla reat
Und wanns im Winter a bissl weniger gfreat
Wen stört’s scho wen juckt’s
Wann die Foab nimma hoit
Und des Haus zamfoit
Wen stört’s scho wen juckt’s
Wann’s kann Tuscha macht
Und es trotzdem zamkracht
Goldener Mantel
Na sicha, an Groschen find ma
Fia die oamen Kinder
I versteh scho, i versteh
Mia duats eh net weh
Na i brauch nix i dua da an Gfoin
Nua a Klanigkeit würd i woin
Nua an goldenen Mantel
Und wann a mi plagt
Nu an der eam tragt
Nua a Silbertablett
Und wann i sonst nix kriag
Nu an der serviert
Des bissl soi drin sei
Des lauft hoit so
A bissl quid pro quo
Und für Steuer brauch i nu a Formular
Und fois wer fragt: i bin Großspender
Nua an goldenen Mantel
Und wann a mi plagt
Nu an der eam tragt
Nua a Silbertablett
Und wann i sonst nix kriag
Nu an der serviert
Ums Glauben geht’s
I hab gseng wo da Has rennt
I woa dabei im Woid
I hab gseng wo da Huat brennt
Und wo da Rubel rollt
I waß wos i gseng hab
Du miaßast das nur glaubn traun
Weil i bin net sicha
I woas a nu nie
Owa trotzdem
Hoach auf mi
Na i bin net sicha
Selbst des waß i net
Zum Glick glaub i’s selber
Und ums Glauben geht’s
I hab gseng wie Pferdl speibn
Glaub ma es woa wüd
Und i waß wo die Blumen bleibn
Und wo d’Musi spüt
I waß wos i gseng hab
Du miaßast das nur glaubn traun
I hab die Antwort gseng im Wind
I waß a nu wo s’steht
Und i waß wo ma s’Christkind find
Und wo Elvis lebt
I waß wos i gseng hab
Du miaßast das nur glaubn traun
Weil i bin net sicha
I woas a nu nie
Owa trotzdem
Hoach auf mi
Na i bin net sicha
Selbst des waß i net
Zum Glick glaub i’s selber
Und ums Glauben geht’s
Teufelskreis
Nehm ma a Gschicht, die lang vorbei is
Wos uns daugt verwend ma, wos net schreib ma neich
Mach ma a Buach und verzierns mit Gold
Druck ma’s a poa moi und vercheckens die Leit
Sag ma es gibt wen im Himmel do oben
Und damma so ois kunnt ma mit eam redn
Und sag ma er is dabei in da Gschicht
Owa sag ma, ma kann eam net seng
Kost hoit wos, ois hot sein Preis
Briada gebts ma de Händ zum Kreis
Hoi ma die Leit zam und sagen wir wissen
Was passiert nachm Leben
Sag ma wanns brav san und zoin dann kummans aufi
Zu eam und dann kinnans eam segn
Kost hoit wos, ois hot sein Preis
Briada gebts ma de Händ zum Kreis
Ziag ma a lustiges Gwand a dazua
Mit am Huat und goldene Schleifen
Sag ma wir san die Guaden, de Bestn
Und kinnan Kinder ausgreifen
Kost hoit wos, ois hot sein Preis
Briada gebts ma de Händ zum Kreis
Lass ma jeden eine in Verein
Kost hoit wos, ois hat sein Preis
Nur in Vorstand kommt kana, do bleiben wir
Briada gebts ma die Händ zum Kreis
Kost hoit wos, ois hot sein Preis
Briada gebts ma de Händ zum Kreis