I mog di net
Es is afoch, es is kompliziert
drüba nachdacht, i bin verwirrt
mir is kloa, i kann mi net entscheiden
i waß wos i wü, vü Möglichkeiten
I mog di net, i mog di
I hoi di her, i vajog di
i gib da mei Hand i vertrau da blind
dann schiaß i di in wind
Offensichtlich undurchsichtig
Mit Schwung und Energie in die Lethargie
I mag di net, i mag di, es macht mi schwach
I bin ma sicha und frag mi
I mog di net, i mog di
I hoi di her, i vajog di
i gib da mei Hand i vertrau da blind
I mog di net i mag di
es macht mi schwach es plagt mi
i bin ma sicher und i frag mi
A hoibe Stund
I bin nua da glegn, hab net aufpasst, i woit a goa net dass so wird
es wirklich net absichtlich, aber es is a hoibe Stund lang nix passiert
Lang, so lang-weilig
I woit nix Beses, ganz ehrlich, hab ma nix weida dabei dacht
jo es woa wirklich net absichtlich, aber i hab a hoibe Stund lang nix gmacht
Lang, so lang-weilig
Mir is kloa es woa net richtig
aber kloa stön wär ma wichtig
es woa wirklich, wirklich
wirklich net absichtlich
Lang, so lang-weilig
Hoffnungsvoll
Die Tauben am Dach da oben
scheißen ma am Schädl
selbst da Spatz is ohne Zü abbogen
da Schnabel steckt im Brettl
Die Hoffnung hättat früher
die Hoffnung hättat früher sterben soin
Dann würd ma net scho wieder
von so weit oben so weit owe foin
wieder moi hoffnungsvoll
wieder moi hoffnungsvoll
Am seidensten Faden
der übern Feuer kreist
häng ma scho so lang oben
und woatn dass er reißt
Die Hoffnung hättat früher
die Hoffnung hättat früher sterben soin
Dann würd ma net scho wieder
von so weit oben so weit owe foin
Der Hoffnung hätt ma früher
die Grashalme von unten zagn soin
war doch der letzte sture Funken
scho früher moi ins Wasser einegfoin
Wieder moi hoffnungsvoll
Die Hoffnung hättat früher
die Hoffnung hättat früher sterben soin
Dann würd ma net scho wieder
von so weit oben so weit owe foin
wieder moi hoffnungsvoll
wieder moi hoffnungsvoll
He, Zwerg
He Zwerg, renn, riskier, foi hi, steh wieder auf
suach dei Nasn, setz wieder drauf
He Zwerg, spü di und vaküh di du wirst scho gsund wean
Wer waß scho wirklich wie d‘Schuach richtig anzogn ghean.
Lass uns nu 40 moi des Liadl anhean
He klana Zwerg du wirst scho wachsen, erwachsen werdn
Ois großer Zwerg deafst dann am klan Zwerg ruhig hean
He klana Zwerg du wirst scho wachsen, erwachsen werdn
he klana Zwerg, lass du dabei net stören
He Zwerg, spoa net mitn schrein, spoa net mitn redn
vazöh ma nu wos du scho waßt übas Lebn
hoach net auf mi, red dagegn meinetwegn
He klana Zwerg du wirst scho wachsen, erwachsen werdn
Ois großer Zwerg deafst dann am klan Zwerg ruhig hean
He klana Zwerg du wirst scho wachsen, erwachsen werdn
he klana Zwerg, lass du dabei net stören
Senf
A Biosenfkornzucht stattn Gemüsegartn
A Lagerhalle voi Dijon
Bevor wos schlecht wird net lang woatn
Miaßast nua fragen - waß i scho
Morgenstund, s‘scho schoaf im Mund
Da Nadelstreifen voll Senfflecken
schrei i ma die Lungen wund
dass ich nix sagen werd ums verrecken
Mir is nua wichtig, dass jeder heat
dass i dazua nix sagen werd
Mir is nua wichtig, dass jeder siagt
dass mi trotzdem gibt
Jo heit schrei is aussa in die Wöd
Dass i mi heit zruckhoitn werd
Jeder soi ganz sicher wissen
dass ma mi heit wenig heat
Mir is nua wichtig, dass jeder heat
dass i dazua nix sagen werd
Mir is nua wichtig, dass jeder siagt
dass mi trotzdem gibt
I wü nua sicha geh, dass ma net vergisst,
dass mei Beitrag a wichtig ist
i wü nua schaun, dass ma schaun
dass i a wos sagn kann
Freiwillig
Die Innenstadt zuaplakatiert und Flyer austeilt ohne fragen
s‘Internet schreit scho länger laut in dicken Blockbuchstaben
Marketing und Wirtschaft nebenbei studiert und 2000 Videos realisiert
und interaktive Werbestrategien ins Gesamtkonzept integriert
Für an Klick und an Auftritt beim Firmenevent
für an Daumen und 0,03 Cent
Für a authenthische Albumkritik für ein Daumen nach oben für an Klick
für 0.03 gschissene Cent i machs ja freiwillig
Ellbogenschützer zuaglegt, dass beim Ausfoan nix passiert
glogen, bestochen, gschimiert und giert und über Leichn drübaspaziert
die Sö gheat scho lang dem Teufel den Rest vakauf i gern
und wanns doch moi zvü wird und mi zamhaut verkauf is a, des Rean
Für an Klick und an Auftritt beim Firmenevent
für an Daumen und 0,03 Cent
Für a authenthische Albumkritik für ein Daumen nach oben für an Klick
für 0.03 gschissene Cent i machs ja freiwillig
Für an Klick und an Auftritt beim Firmenevent
für an Daumen und 0,03 Cent
Für a authenthische Albumkritik für ein Daumen nach oben für an Klick
für 0.03 gschissene Cent i machs ja freiwillig
Für die Chance auf a Möglichkeit, dass von da Firma mi wer siagt
Für ein Klick und Daumen und die Hoffnung, dass‘ explodiert
Granit
Die oiden Wappler und die Idioten
Sexisten und foische Patrioten
hat er si dacht, dass boid aussterben
Er hat drauf gwoat und optimistisch
jedem gsagt dass‘ realistisch is
dass die Zeiten besser werden
Die Zeiten san kumma, die Wappler san blieben
Idioten san mehr woan
Des woa so net ausgmacht, dafia hat er net
gschrieben
dafia wü er net bleat ham
Er schreit lauter, es wird schlimmer
Die Zeit verrinnt, sei Luft wird dünner
Die Stimm wird schwach es nimmt eam mit - Granit
Die neichen Leit scho vorher gseng
singt er seine Liadl dagegen
und waß es juckt net irgendwen
Er wü net glauben, dass des nu gibt
singt z‘Fleiß jedes Moi lauter mit
und beißt nu imma auf Granit
Er weigert si zu akzeptieren
dass seine Leit ois ruiniern
er kann net woatn bis de sterbn
Er lasst net zua, dass er resigniert
und schreit, bis dass er heiser wird
Auf dass die Zeiten schneller besser wean
Die Zeiten kumman, die Leit bleiben die Leit
er merkt es wird spot
A poa brennan aus, a poa wean bleda ois gscheid
a poa reißen ab
Er siagt die Hoffnung schneller sterbn
merkt wie die Jahre schneller werdn
Er draht sie selber hilflos mit - Granit
Die neichen Leit scho vorher gseng
singt er seine Liadl dagegen
und waß es juckt net irgendwen
Er wü net glauben, dass des nu gibt
singt z‘Fleiß jedes Moi lauter mit
und beißt nu imma auf Granit
Granit, Granit, er beißt sie d‘Zähnt aus am Granit
S’Gheatsi
Da Anzug riacht nu frisch nach Gschäft
Die Schuach blitzen wie d’Stirn
An Liter Deo in d’Axln gklescht
Da Papa wird uns fian
Wir hoin die Freind da Reih nach ab
Alle an hochrotn Schädl
Eine ins Palais und Polonaise
Links die Buam, rechts die Mädl
Olle fesch, olle kampelt
Olle debütiern
S’Gheatsi glern wie s’a si gheat
Ohne debattiern
Woiza, Foxtrott, Cha cha cha
S’Pflichtprogramm brav absolviert
Cola Rum dann an der Bar
Jeder Freind spendiert
A Foto für die Mama gmocht
Mitn Mädl im Arm
Da Kopf hochrot, zum Vogerl glacht
Dann aus die Augn verlorn
Olle fesch, olle kampelt
Olle debütiern
S’Gheatsi glern wie s’a si gheat
Ohne debattiern
Sperrstund im Palais
Die Nacht is jung hams gsagt
Ma kennt si ma is unter sich
Ma sagt hoit was ma sagt
S’Gheatsi glernt, ausdebütiert
Erwachsen samma woan
Die Nacht mit am Foto dokumentiert
Von mir und meim Mädl im Arm
Olle fesch, olle kampelt
Olle debütiern
S’Gheatsi glern wie s’a si gheat
Ohne debattiern
Weltspartag
Er der an jedem Weltspartag
imma am meisten Geld gspart hat
woa jeden Sonntag eingplant
ois erster Oberministrant
Er, der Ja und Amen oiwei gsagt
und warum net wirklich oft gfragt hat
er der glernt hat wann er spinnt
dass er die Watschen si verdient
Er der oide Gschichten gern vazöht
weil a neiche Gschicht eam fehlt
er der duat ohne fragen
hat auf amoi was zum sagen
Er hat über jeden Witz gleich glacht
dass er si net unbeliebt macht
er hat si nie nachfragen traut
und glaubt wer wos waß is laut
Er der glernt hat was a Mau is
und dass da Mau waß wos zum doa is
er sagt da wird net diskutiert
weil er sie fiacht was dann passiert
Er der andere Gschichten gern vazöht
weil a eigene Gschicht eam fehlt
er der der dau hat ohne fragen
hat auf amoi was zum sagen
Er der glaubt, dass er a stoake Meinung hat
aber die Meinung nie hinterfragt
er der vü macht aus Prinzip
und nur selten an Grund hergibt
Er sagt die guade oide Zeit
er sagt früher woas nu leicht
aber tiaf drin was er wirklich sagt
Er wü globt wean am Weltspartag
Pfeifkonzert
Ungeniert den Kreis quadriert unversehrt d‘Tangenten quert
und unbeschwert durchs Pfeifkonzert spaziert
Eiskoit elegant unversehrt im Feuerkohlentanz brilliert
und unbeschwert durchs Pfeifkonzert auf Eierschoin spaziert
unverschämt vire drängt, schaumungebremster Hengst
ungeniert durch Null dividiert und durchs Pfeifkonzert spaziert
Ungeniert den Kreis quadriert unversehrt d‘Tangenten quert
und unbeschwert durchs Pfeifkonzert spaziert
Himmelaufwärts gflogn Sonnenstrahln gstriffn
unbeschwert und ohne Proben dem Pfeifkonzert a Liadl pfiffn
Ungeniert den Kreis quadriert unversehrt d‘Tangenten quert
und unbeschwert durchs Pfeifkonzert spaziert
Freiheit
Die grauen Mauern leuchten hell
Die Zellen verwanzt an jeder Stö
Große Gitter aus Edelstahl
die aufspringen wann ma zoit
und draußen auf da Hefnwiesen
gibts an Markt und Sonnenliegen
Ausse in die große Wöd
heite hamma Freizeit
Taschen stopfen, ausgebn, wiedahoin
wir ham Freizeit weg mitn Göd
für a klanes Stickl Freiheit
Ausgang im Hefn wann ma woin
So oft mas schaffen
so oft ma woin
kinna ma aussi
solang ma zoin
unendlich dankbar samm dafia
dass ma des Stickl Freiheit gspian
Ausse in die große Wöd
heite hamma Freizeit
Taschen stopfen, ausgebn, wiedahoin
wir ham Freizeit weg mitn Göd
für a klanes Stickl Freiheit
Ausgang im Hefn wann ma woin
A Stickl Freiheit
gheat zelebriert
des hamma so glernt
des hamma trainert
Die Freiheit muaß verteidigt wean
bis zum Bluat bis zum sterbn
Ausse in die große Wöd
heite hamma Freizeit
Taschen stopfen, ausgebn, wiedahoin
wir ham Freizeit weg mitn Göd
für a klanes Stickl Freiheit
Ausgang im Hefn wann ma woin
Zechnnägeldreck
Den richtigen Ton wie den heiligen Gral gsuacht
zwa Schichten Samthandschuach und Eierschoin auf d‘Schuach
I werd die Butter dir ganz dick aufs Brot aufstreichen
und jedem von deine zehn Zechn separat ausweichen
Und trotzdem kratzt den Dreck aus deine Zechennägel
Trotzdem haust den Dreck in die Wöd
Trotzdem kratzt den Dreck aus deine Zechnnägel
Bis mir die Zechnnägel aufstöt
Den feinsten Bioblütenhonig um die Lippen gschmiert
Zum Tauf-, Geburts- und Namenstag persönlich gratuliert
Olle Augn und Ohren und Poren zamdruckt
so vü aussakratztn Zechnnägeldreck scho gschluckt
Und trotzdem kratzt den Dreck aus deine Zechennägel
Trotzdem haust den Dreck in die Wöd
Trotzdem kratzt den Dreck aus deine Zechnnägel
Bis mir die Zechnnägel aufstöt
Sternenstauballergisch
A überschaubares Universum
A begrenzte Galaxie
A Milliliter Müchstraßn
Sternenstauballergie
nix riat si, kana muckt
vor lauter leise derrisch
net fliagn, foin
sternenstauballergisch
vom Sternenstaub staubn hysterisch
es staubt, sternenstauballergisch
vom Sternenstaub staubn hysterisch
es staubt, sternenstauballergisch
olles volla nix
Vakuum anschaun
und vor lauter Sternenstaub
ganz gschwoine Augn
vom Sternenstaub staubn hysterisch
es staubt, sternenstauballergisch
vom Sternenstaub staubn hysterisch
es staubt, sternenstauballergisch
S’Woifal
Des oide Woifal macht si Sorgen
um sein Rudl und wegen morgen
Die Schaf die bledn blöken zruck
und kana mehr, der si duckt vor eam
wann er rean würd wars zum rean
Der oide Leitwolf macht si Sorgen
um sein Rudl, seine Woiferl, wegen morgen
Er schaut ausse ausm Woid
und kanns scho boid nimma hean
wann er rean würd wars zum rean
Des oide Woiferl macht si Sorgen
um sein Rudl und wegen morgen
Er gspiat es braucht a stoake Hand
S‘Woiferl und sei Rudl woin verstandn wean
wann er rean würd wars zum rean
und er bleat wir soin zuahean
Jo des Woiferl und sei Rudl
woin nachm Schnitzl Apfelstrudl
Woin a Kreuz an jeder Wand
und an Ring an jeder Hand
Jo des Rudl und sein Wolf
gengan jagen und spün Golf
san beim Messwein ois erster dran
ham da brav an Janka an
jo die Woiferl heulen im Woid,
dass si Leistung lohnen soid
die schwachen Viecher ghean grissn
oder vajogt auf d‘nächste Wiesn
er predigt Wein in goldnen Kistn
hofiert entspannt Faschisten
und fangen die Fiaß moi an zum frieren
deaf er an Schafspelz übaziagn
Der oide Leitwolf macht si Sorgen
um sein Rudl und wegen morgen
so wie ma san so wie ma woan so woi ma bleibn
des soit ma festhalten und niederschreibn
so wie wir soin olle sein
so wie wir soin olle schrein
so wie‘s woa sois wieda wean
wann er rean würd wars zum rean
Parkett
A Spiegel vor eam
er is kla und er buckt si
A Spiegel vor eam
Er reat und er spuckt hi
A Spiegel vor eam
Er versteckt und verliert si
A Spiegel vor eam
Er varennt und er fiacht si
Er draht si und siagt si
Die Angst vor eam legt si
Und des Parkett bewegt si
Ois renkt si ein
Du sagst:“Najo, hoit s‘Lebn.“
und manst wir soin über was anders redn
Es is okay du deafst am Boden sei ois renkt si ein
Du sagst:“I waß net, miaß ma schaun
und versteckst vor mir des Glasl in deine Augn
es is okay du deafst am Boden sei ois renkt si ein
ois renkt si ein
Es is okay, du deafst di ärgern, ois renkt si ein
Es is okay du deafst mi anschrein, ois renkt si ein
Es is ok du deafst am Boden sein ois renkt si ein
Es is ok du deafst so sein ois renkt si
ois renkt si ein
Du sagst:“Es hüft net soi so sein“
und schaust durch mi durch dabei
Es is okay du deafst am Boden sein ois renkt si ein
ois renkt si ein
Es is okay, du deafst di ärgern, ois renkt si ein
Es is ok du deafst mi anschrein, ois renkt si ein
Es is ok du deafst am Boden sein, ois renkt si ein
Es is okay, du deafst so sein, ois renkt si ein
Es is okay es is voi okay, ois renkt si ein
Sei so frei, du deafst so sein
du deafst mi anschrein
ois renkt si ein
es is okay, du deafst am Boden sei ois renkt si ein
ois renkt si ein
Es is okay, du deafst di ärgern, ois renkt si ein
Es is okay, du deafst mi anschrein, ois renkt si ein
Es is okay, du deafst am Boden sein, ois renkt si ein
Es is okay, du deafst so sein, ois renkt si ein
Es is okay es is voi okay, ois renkt si ein