Enchantée
War i gscheid gwen hätt i angfangt zum Bauspoan
und in a Wohnung investiert
War i gscheid gwen war i früher reicher woan
hätt a Portfolio generiert
“Irgendwann” hams gsagt “wird jeder gscheida wean
Erwachsene wählen konservativ
Irgendwann wirst di dagegen nimma sperrn
S’beste Göd kommt passiv”
Enchantée mit Knickser und Verneigung
immer nu sche dagegen aus Überzeugung
kopfüber eini in die gleiche Stö
tiafa wirds net und es duat nu so sche weh
Enchantée
War i gscheid gwen hätt i Freind ghobt, die wos san
und in Immobilien investieren
Dann kunnt i gscheidln mit meim gscheidn Anlageplan
und würd endlich Zinseszinsen kriagn
Irgendwann is z’spot fia mi zum gscheida wean
vor allem wann gscheide konservativ wählen
Irgendwann muaß i auf Erwachsene nimme hean
und kann Woikn zählen
Enchantée mit Knickser und Verneigung
immer nu sche dagegen aus Überzeugung
kopfüber eini in die gleiche Stö
tiafa wirds net und es duat nu so sche weh
Enchantée
“Irgendwann” hams gsagt “wirst di nur mehr um di schern
muaßt das ausnutzen, s`System
Irgendwann muaß da so vü wie geht vom Kuchen ghean
Des System kann mit de Gscheid gscheid scheißn geh
Kunstfigur
Mozart hat vü z’afoch gschriebn
Falco woa a Junkie
Vom Haydn is nix hänga bliebn
James Brown is da zu funky
Beatles, Rolling Stones und Hendrix
San olle out of date
Und bei de Liadl Rainhard Fendrichs
Glaubst du, dass nu mehr geht
Net stringent, durchschnittlich unter deim Niveau
Und wann dann überschauboa wenig echte Zungenschnoiza
Berechtigt kommt die Frag von dir: „so schlecht, wieso?“
Gib ma die Hand wir tanzen unsan Woiza
Nimm mi drah mi, dann schau ma zua
Tada i bin dei Kunstfigur
I wü net störn i wü di net verwirrn
Konfetti Glitzer wosd doa wüst dua
Prompt bini i do dei Kunstfigur
Olle Stickl spü i ois kannst kriagn
Hausgmacht, ausgmacht, lass die ziagn
Weil kana kann di so versteh wie i
Wir miaßn mit da Zeit geh
Wer steh bleibt wird schnö oid
Oide Leit ham Kreizweh
A Leben lang Lehrgeld zoit
Drum sans oam im Kopf, steif und stur
Wos net kennan, boykottierns dann glei
Net offen für a Kunstfigur
Na soi oid wüst du net sei
A Grinser und um dein Hois a Schnur
Schau her i bins dei Kunstfigur
Hergricht nur für die spü di mit mir
Lackiert mit Hochglanzpolitur
Strahl i di an dei Kunstfigur
Ziag mi auf, i mach was du wüst dafia
Kana kann di so versteh wie i
Du bleibst wei du waßt wos i dua
I bin fia di do dei Kunstfigur
Kana kann i so versteh wia i
I tanz alla
Se sagn i bin dran
Ziag des Gwandl an
A letzter Ausfallschritt
Ausse und vü Glick
Lichter an Musik
Es wackelt jeder Schritt
Se sogn so is des Lebn
I muaß des hoit vasteh
Owa die Fiaß san weida schwa
Jo i tanz weida alla
Komm wie Platz is leicht fia zwa
Komm i tanz imma nu alla
Sie sagn da muaß ma durch
Händ auffi kumm vasuachs
I bin da grad dagegn
Würd gern wem die Händ gebn
Weil die Fiaß san weida schwa
Jo i tanz weida alla
Komm wie Platz is leicht fia zwa
Komm i tanz imma nu alla
Kavaliersdelikt
Hat er scho dau wos sois
S’eh nix passiert zum Glick
Gschickt aus da Schling an Hois
A Kavaliersdelikt
Hat a gmacht, jo scho
Hat kana gseng zum Glick
Zumindest kana der wos do aka
A Kavaliersdelikt
Jo kumm vorbei zum beschweren, zum erklären owa
Lass glei die Jackn an
S’Schlafzimmer, S’Bett von mir
S’Klo, S’Bad und da
Da is die Tia
Samma hoit net so
Hüft nix so san hoit wir
Samma ehrlich ganz tiaf drin
Is er a Kavalier
Jo kumm vorbei zum beschweren, zum erklären owa
Lass glei die Jackn an
S’Schlafzimmer, S’Bett von mir
S’Klo, S’Bad und da
Da is die Tia
Staudenhucker
Da Staudenhucker is dran zu gebn
Lasst neamd in seine Karten segn
Hat a Dreschn scho ohne Tallon
Da Staudenhucker sagt nie was an
Köbelt nach rechts:“Du bist dran“
steht dann auf und geht giaßn am Balkon
Bleib am Weg do vire
Bleibt am Weg dorthin
Steh in seine Thujen drin
Schau da drin da Staudenhucker
Versteckt in seiner Thujenheckn
Mit Blattln zum Niederknian
Schaut a zua wie ma verrecken
Schau da oben da Staudenhucker
Paradeiser am Balkon
Mit ana Dreschn nach der andern
Gibt er Beton
Da Staudenhucker woat aufs Schmiern
Er spüt nur a Spü: Passagier
Kann im Schatten von seine Thujen sitzen
Und ans des kann er wirklich guat
Des wos er am liabsten duat
Is Paradeiser und Spiele spritzen
Schau da drin da Staudenhucker
Versteckt in seiner Thujenheckn
Mit Blattln zum Niederknian
Schaut a zua wie ma verrecken
Schau da oben da Staudenhucker
Paradeiser am Balkon
Mit ana Dreschn nach der andern
Gibt er Beton
Baumscha, Heckenschneider
Nimm mit wos da eifoit
Und dann an Staudenhucker aussaschneidn
Ausm Thujenstaudenwoid
Tiafe, dichte Thujen
Und deswegen
Zwicken, zwicken, schneiden
Bis ma an Staudenhucker segn
Schau da vorn da Staudenhucker
Versteckt in seiner Thujenheckn
Mit Blattln zum Niederknian
Schaut a zua wie ma verrecken
Schau da vorn da Staudenhucker
Paradeiser am Balkon
Mit ana Dreschn nach der andern
Gibt er Beton
Passagier
Sinnerfassend Texte glesn
woa Rechenkaiser, biachawurm
oiwei 9. Percentile gwesn
und da bravste von de Buam
Häkeln glernt und Hüftaufschwung
nie aussagschrian, aufzagt dafia
Maturiert mit Auszeichneng
Und dafia?
Hundert Punkte fia mi dafia
trotzdem vom Lebn Passagier
Hundert Punkte alles gebn
trotzdem Passagier vom Lebn
Hundert Punkte, Tausend Punkte, Millionen gschissne Punkte
Alles gebn von mir und dafia Passagier
Olle sehr zufriedn gstöt
Ans komma Nui mit Stempel und Stern
imma aufpasst selten gföhlt
Ungarisch ois Hobby glernt
100 Punkte ka Desaster
a Handy nur zum recherchiern
Stadt, Land, Fluss – Europamasta
trotzdem vom Lebn Passagier
Tausend schwoaze Rosen
Wahrscheinlich passts nie wann ma stirbt
owa bleda ois jetzt gehts net
I wa nu Kanzler woan und Hüttenwirt
und hätt gern gewusst wie fliagn geht
Wahrscheinlich passts nie wann ma stirbt
owa jetzt grod is a Schmoan
I wa nu über Mond spaziert
und gern a Philosoph nu woan
Tausend schwoaze Rosen normalerweis
jetzt gehts grod net
ab morgen schreib i des nächste Testament
und dann mach i ma an Nam als Revoluzzer und Prophet
Tausend schwoaze Rosen
jetzt is grad bled
ab morgen wird regelmäßig
jeden Tag grennt und i werd Ausnahmeathlet
Es hätt nimma lang dauert und i wa kurz davor gwen
dass i angfangt hätt
jetztat sterbn i kunnt mi so aufregn
boid wa i Prophet
Perspektiven
Aussaputzt vom Kopf bis zu de Zechn
A Silbertablett zum gustiern
Samthandschuach fia die Finger, die wechn
Am Klo gschwind Deo und frisiern
Net zvü am Tisch
Soin streitn drum
Dass grad a jeder
Zu wos kommt
Er nimmt den Kopf in beide Händ und draht
Wann die Optik schief is zur Zeit
Es is alles nur a Frag
Der Perspektivenlosigkeit
Er schenkt scho nach er is net unguat
Olle essen ganz brav zam
Jeder mag eam, jeder spurt
Wann alle frisch zum essn ham
Net zvü am Tisch
Lass streitn deswegn
Dass a olle
A weng wos segn
Er nimmt den Kopf in beide Händ und draht
Wann die Optik schief is zur Zeit
Es is alles nur a Frag
Der Perspektivenlosigkeit
Schwindelfrei
Im Kopierkammerl fia a poa Groschn
Gschichtln druckt und Phrasen droschen
Grün und blau ghaut bis sie si biagn
Bis sie mitspün und mitziagn
A Gschichtl unschuidig a bissl glogn
fia a poa Groschn wos is dabei
scho imma Höhenangst ghobt nu nie hoch gflogn
scho imma net schwindelfrei
A bissl gschwindelt, i bin so frei
Die Woaheit bogn weils passt dawei
Rosinen
Die Trauben warn reif sagt er
Und trinkt sein Litschisaft
Die Trauben warn so weit sagt er
Mit Nachdruck mit mehr Kraft
Und schaut durch d’Luft
De Traubn soit ma essn klagt er
Rauer wird da Ton
Irgendwer soit si drum kümmern mant er
Und lassts liegen in da Sonn
Er schaut, dann schimpft er
Spinn i denn spinn i denn spinn i denn
Samma leicht deppat woan
Weil Rosinen, Rosinen, Rosinen
San im Kaiserschmoan
Die Traubn soit ma einebringa sagt er
Do drüben war a Schachterl
Und dann soitat wer drauf steigen sagt er
Er hätt scho gern a Achterl
Er schaut in d’Luft
Spinn i denn spinn i denn spinn i denn
Samma leicht deppat woan
Weil Rosinen, Rosinen, Rosinen
San im Kaiserschmoan
Wos soi ma do doa
Staubzucker
Einschneibn und die Pistn planiern
Staubzucker
Nu a Schicht und gscheid einmassiern
Staubzucker
Bis die letzte Rosine dastickt
Staubzucker
Schmeckn sois und siaß schmeckt zum Glick
Spinn i denn spinn i denn spinn i denn
Samma leicht deppat woan
Weil Rosinen, Rosinen, Rosinen
San im Kaiserschmoan
Da Giftzwerg
Da Giftzwerg sitzt im Kammerl drin
Er bizlt und er schimpft
A Riegel vor da Tür sie is zuasgsperrt
Da Schlüssel auf da Tia oben
Er dawischtn net er springt
Er probierts weida er jammert und er bleat
Auf amoi bebt des ganze Kammerl
Da Putz fliegt von den Wänd
Da Schlüssel foit genau- vor eam am Boden
Er schreit vor Freid und glei drauf kräut a
Hin zur Tür sperrt auf und rennt
In d’Aula dann nimmt a an Lift nach obn
Er hat scho so lang gwoat, dass es passiert
Hat a gwusst, dass es Zeit wird
Und dann kummt er da Giftzwerg
Sei Zwangsjackn die zreißts
Er schreit von olle sieben Berg
Er schimpft er fluacht er beißt
Und dann wachst er da Giftzwerg
Nix mehr was eam hoit
Und er schreit dass a nix heat
Vor lauter Bam ka Woid
Er wird wieda eingfangt
in die Jackn einedau
in Lift eineghaut in Keller manövriert
Sofort ins Kammerl eine, Riegel vor
und doppelt zuagsperrt
an Schlüssel aufn Türrahmen platziert
er bizlt, sudat, jammert, schimpft
und waß owa genau
es is a Frag der Zeit bis wieda bebn wird
er kann owa nix anders doa
ois dass er schreit und haut
so is er leider sozialisiert
er is ja immahin a Zwerg
er hat hat hoit sei Gift
und er foat so gern nach obn mitn Lift
Und dann kummt er da Giftzwerg
Sei Zwangsjackn die zreißts
Er schreit von olle sieben Berg
Er schimpft er fluacht er beißt
Und dann wachst er da Giftzwerg
Nix mehr was eam hoit
Und er schreit dass a nix heat
Vor lauter Bam ka Woid
Da Giftzwerg, der wü draußn bleibn
Draußn find ers guat
Draußen kann er wirklich doa
Wos er so gern duat
Und dann kummt er da Giftzwerg
Sei Zwangsjackn die zreißts
Er schreit von olle sieben Berg
Er schimpft er fluacht er beißt
Und dann wachst er da Giftzwerg
Nix mehr was eam hoit
Und er schreit dass a nix heat
Vor lauter Bam ka Woid
Bodenlos
Scho bodenlos und doch
Mit jedem Spaten Erdn
Mit dem i’s wegschaufelt des Loch
Wirds immer größer werdn
Haßer Hunger, voller Gier verschlingts
Mit jeder Schaufel mehr
I steh drin und sing
Und sink tiaf eini i werd schwer
Bodenlos des Loch des i hab
Oder bloß so tiaf is grab
Trockener Hals, laarer Magen
Probier i ma mei Loch weggraben
Jedes Wort auf jeder Seitn
Probierts wegschaufeln des Loch
S’bringt ois nix, Herrschaft Zeitn
Zuagschitt gheats afoch
Bodenlos des Loch des i hab
Oder bloß so tiaf is grab
Betriebtsblind und ohne nachfragen
Probier i ma mei Loch weggraben
Bodenlos des Loch des i hab
Oder bloß so tiaf is grab
Ferngsteuert, nix neichs zum sagen
Probier i ma mei Loch weggraben
I kann von da die Erdn fliagn segn
Die Leit, die schaufeln kenn i doch
I schreib und sing zerst gscheid dagegn
Dann geh i ausse ausm Loch
Bodenlos des Loch des i hab
Oder bloß so tiaf is grab
Trockener Hals, laarer Magen
Probier i ma mei Loch weggraben
Bodenlos des Loch des i hab
Oder bloß so tiaf is grab
Ohne Nachfragen zum Glick
Hams ma mei Loch zuagschitt
Luftschlösser baun
An ganzen Tag kunnt i Löcher in d’Luft schaun
Ans nachm andern und mir a Luftschloss baun
Rundherum bau i an Luftlöcherzaun
und große große Luftfenster, dass durchziagn kann
Kumm soi ma Luftlöcher schaun
Und jeden Tag so oft ma Zeit ham
Luftschlösser baun
Kumm soi ma Luftlöcher schaun
Und unsa ganzes Klumpat was ma ham
Im Luftschloss verstaun
Zehn Luftschlafzimmer mit Luftwasserbetten
Drauf große Luftpolster und warme Luftdecken
Draußen im Garten unterm Luftapfelbam
San Sonnenliegen für uns zum Luftlöcher schaun
Kumm soi ma Luftlöcher schaun
Und jeden Tag so oft ma Zeit ham
Luftschlösser baun
Kumm soi ma Luftlöcher schaun
Und unsa ganzes Klumpat was ma ham
Im Luftschloss verstaun
Und während ma Pause ham vom
Schlösser baun
Kinna ma
Wolkenfernsehn schaun
Kumm soi ma Luftlöcher schaun
Und jeden Tag so oft ma Zeit ham
Luftschlösser baun
Kumm soi ma Luftlöcher schaun
Und unsa ganzes Klumpat was ma ham
Im Luftschloss verstaun
Und Luftschlösser baun