Bresl
I hab Bresl is mei Style
dass i Bresl in da Küch verteil
I hab Bresl warum jo weil
i Bresl in da Küch verteil
unmotiviert oder durchgeplant
wean meine Bresl in da Erdn eipflanzt
owigschmissn oder owigfoin
I hob Bresl die am Boden soin
I hab Bresl is mei Style
dass i Bresl in da Küch verteil
I hab Bresl warum jo weil
i Bresl in da Küch verteil
Gnuag da fia jeden wos dabei
wann i meine Bresl verteil
sagts es weida nehmts eich Zeit
I hab Bresl fia de Leit
Da Hugo
Schlechter kanns net wean hams gsagt
Sie schwörn mitn klanen Fingal
I bin wie imma gspannt
wie a Gummiringal
Dreck hamma gfressn
oft bissn ins saure Apfal
Imma wieda eingfoan
wie a Fiabazapfal
Des klane Gsicht mit große Augn
siagt a wos wir segn
ois andas vorgstöt draht si zu mir
fangt a zum Redn
Papa wann i groß bin wü i
wie da Hugo wean
sovü sagt die Mama
is nämlich fia eam
Papa wann i groß bin wü i
wie da Hugo sei
i lad di a auf an
siaßn Spritzer ein
Die guadn Leit am mountaintop
mit Plakat und Megafon
roin jetzt an Gipfel owi
wie a rolling stone
sie ham si vorgstöt dass kan Himmel gibt
ka Hö, ka Religion
da Tram is jetzt austramt
er woa a Illusion
Drum Papa wann i groß bin wü i
wie da Hugo wean
sovü sagt die Mama
is nämlich fia eam
Papa wann i groß bin wü i
wie da Hugo sei
i lad di a auf an
siaßn Spritzer ein
Da Kapitän
Er woit ausse ins Meer
Ozeane überqueren statt dem
is a
Donaudampfschifffahrtsgesellschaftskapitän
Er woit im höchsten Hochhaus
im obern Stockwerk im besten Sessel sitzen
statt dem is a in da
Donaudampfschifffahrtsgesellschaftskapitänskajütn
Hat net soi sei
es is eh sche
ois Donaudampfschifffahrtsgesellschaftskapitän
Er woit auf jeden Magazin
woit Reichster wean und Schenster
jetzt schaut er aus dem
Donaudampfschifffahrtsgesellschaftskapitänskajütenfenster
Wurscht was er war, wurscht was er hätt
er lasst si treibn
und moit a Herzerl auf die
Donaudampfschifffahrtsgesellschaftskapitänskajütenfensterscheibn
Hat net soi sei
es is eh sche
ois Donaudampfschifffahrtsgesellschaftskapitän
Schilling
Höcha samma gflogn
oft und schoaf abbogn
und da Abend woa
frühestens am Morgen goa
Da Ruckn hat net so plagt
Schilling hamma mehr ghabt
und da Winter woa
net scho Ende Jänner goa
Sche jetzt wo da koite Wind
den Regn auf mi blast
dass si wer mit mir
nass machen lasst
Wos woa hamma vergessn
de Krot hamma schnö gfressn
und am Tag danach
nimma an die Krotn dacht
mitn Regn hamma mittanz
mit Kirschkern Bama anpflanzt
und die Angst auf d’Nacht
hat uns nur da Krampus gmacht.
Sche jetzt wo da koite Wind
den Regn auf mi blast
dass si wer mit mir
nass machen lasst
Glitzerwoikn
I siag de Funken, de mi hoitn
tiaf drin in meina Glitzerwoikn
Glitzerwoikn und Nebel leuchtn hö
blinde Funken, Farbendunst
Glitzerwoikn drahn si schnö
glitzern, funkeln, schimmern bunt
I siag de Funken, de mi hoitn
tiaf drin in meina Glitzerwoikn
Glitzerwoikn dicht um mi
dicht um jeden von uns
schrein ganz leise wir hean hi
glitzern, funkeln, schimmern bunt
I siag de Funken, de mi hoitn
tiaf drin in meina Glitzerwoikn
Kinder, die Sonn
Kinder, Kinder sats net dumm
Kinder, die Sonn bringt eich um
Mittlerweile miaßats wissn
wir hams mit Nachdruck oft wiederhoit
die Sonn is gefährlich, bringt eich um
und macht eich schneller oid
Mittlerweile miaßts so weit sei
dass eich endlich merkts
Die Sonn is gfährlich, aussalassn
bring ma net übers Herz
Kinder, Kinder sats net dumm
Kinder, Kinder sats net dumm
die Sonn, Kinder, die Sonn bringt eich um
Mittlerweile sats selbst schuid
wanns eich haß dawischt dabei
Die Sonn is wirklich nix fia eich
woas nie, wirds nie sei
Die ganze Wöd waß scho Bescheid
über d’Sonn wird gredt
Deswegen Kinder bitte spurts
dass des a guad überstehts
Kinder, Kinder sats net dumm
Kinder, Kinder sats net dumm
die Sonn, Kinder, die Sonn bringt eich um
Die Sonn bringt eich um
Weil’s funktioniert
Drum gibt er was er am Besten kann zum Besten
haße Luft und große Gesten
Drum nimmt er Platz wo er Platz find
bis a jedm sei Platz verschwind
Drum wird er so wann er so wird
weils funktioniert, weils funktioniert
Drum vertraut er wieda auf was er vertraut
hauptsach vü, hauptsach laut
Drum findt er a, dass es so stimmt
und wie er wird eam weidabringt
Drum wird er so wann er so wird
weils funktioniert, weils funktioniert
Drum findt er wann si wer beschwert
dass die Hand ausgfoan gheat
Drum wann ma d’Augn net siagt vo lauta Gschwoin
sagt er: ”Selbst schuid, sie hats so woin.”
Drum wird er so wann er so wird
weils funktioniert, weils funktioniert
Vielleicht
Vielleicht is die Kaffeemaschin hi
Vielleicht hat s’Draufhaun net ganz greicht
owa vielleicht wirds morgen wieda leicht
Vielleicht wach i mit so am Schädl auf
Vielleicht gibts ka frisches Leiwal mehr
owa vielleicht wirds morgen nimma schwer
Vielleicht duat ma ab morgen s’Kreiz weh
vielleicht huascht i ab morgen Bluat
owa vielleicht wirds morgen wieda guat
Vielleicht hab i dann morgen gnuag gseng
Vielleicht sag i dann, es reicht
owa vielleicht wirds morgen wieda leicht
Lass deine Helden sterbn
Mach es heit machs fia imma
schmeiß die Poster ausm Zimmer
Machs fia imma, mach es heit
Lass a End werden
Lass deine Helden sterbn
Ois ausse in Papiercontainer
anzünden, so sche und schena
Machs fia imma, mach es heit
Lass a End werden
Lass deine Helden sterbn
Lass deine Helden sterbn
Lass a End werdn
Lass deine Helden sterbn
Lass deine Helden owifoin
mit vü Schwung am Boden knoin
Lass sie liegen, vorbei
Lass a End werdn
Lass deine Helden sterbn
Nimms eana weg, des Mikrofon
hau’s mit da Kamera am Beton
spring drauf und schrei und sing
Lass a End werdn
Lass deine Helden sterbn
Lass deine Helden sterbn
Lass a End werdn
Lass deine Helden sterbn
A bissl Ruah
Da weiße Kaffee im zerbrochenen Haferl
schmeckt koit genau so guat
am Teppichboden tröpfelt Bluat
Bunte Tabletten fian Fiabatraum
schlafen, verschlafn, nie ausgschlafn
liaba net in Spiegel schaun
I brauch a biss nua
a bissl nua
I brauch a bissl nua
a bissl Ruah
Scho lang und oft kapituliert
Grenzen verschwimmen zu ana Woikn
trockener Regn i werd trotzdem nass
foi owi trotz festhoitn
I brauch a biss nua
a bissl nua
I brauch a bissl nua
a bissl Ruah
Irgendwer
Irgendwer hat die Sonn sekkiert
seit dem hat sie si nimma zagt
bitte irgendwer sagts da Sonn
es duat ma fia irgendwen lad
Irgendwer hat die Sonn sekkiert
ohne Entschuldigung zum sagn
es duat ma lad fia irgendwen
kann i’s bitte wieda habn
es duat ma wirklich lad
irgendwer versteh net
wie sche es is, wie sche es is
wanns aufgeht
Irgendwer hat die Sonn sekkiert
woa wem egal oder hats net gwusst
irgendwer bitte sagt da Sonn
uns allen is net wurscht
es duat ma wirklich lad
irgendwer versteh net
wie sche es is, wie sche es is
wanns aufgeht
Sterndl
Die Sterndl san vom Himmel gfoin
liegen im Dreck auf da Straßn
die Leit is wurscht sie steign drauf
was am Boden liegt, liegen lassen
Die Sterndl gliahn aus am koitn Asphalt
Da Regn und da Wind weans hoin
Sie woatatn auf wen der hüft
Die Stern san olle owegfoin
Die Sterndl friern
Lass ma sie fliagn
Die Leit rennan den ganzen Tag
kurz hams Zeit wanns Abend wird
Sie schaun zum Himmel, verstengan net
warum ma d’Stern net besser siagt
Die Sterndl san vom Himmel gfoin
Du hast a Körberl und vü Zeit
wir hams aufglaubt und ohne Stress
aufn Himmel obn verteil
Vogerl
Wann i a Vogerl war
und a zwa Flügerl hätt
würd i ma denken
pack i net
würd eich was zwitschern
und dann war i weg
Wann i a Vogerl war
mit zwa Flügerl dran
würd i ma des
kurz von oben anschaun
und dann war i owa
scho davo
Schau die Vogerl fliagn
heia wieder fria fort
jo die Vogerl ziagn
lang hams da net gwoat
es schaut so aus
wie wanns angfressn warn
es schaut so aus
ois würdns uns an Vogel zagn
Wann i a Vogerl wa
würd i dem nächsten Depp
am Schädel scheißn
schaun obs passt hat
dann abreißen
schnell und pfeilgrad
Schau die Vogerl fliagn
heia wieder fria fort
jo die Vogerl ziagn
lang hams da net gwoat
es schaut so aus
wie wanns angfressn warn
es schaut so aus
ois würdns uns an Vogel zagn
weils net sei kann
zumindest grad
bleib i hoit da
ewig schod
Wir san Fisch
Wir san Fisch du und i und wir verlieren uns im seichten Bach
Fisch du und i und wir verirren uns
Wir san Fisch du und i owa wir fressen uns auch nach und nach
mit fast kam Wasser mehr im Bach
Wir san Fisch du und i und wir schwimmen dem Vordern nach
Fisch du und i und wir verbiagn uns
Wir san Fisch du und i und wir dastickn im seichtn Bach
und nach und nach weama schwach
Wir san Fisch du und i da Strudl druckt uns zam im Bach
Fisch du und i und wir dawiagn uns
Wir san Fisch du und i des Wossa geht uns aus
und nach und nach geb ma nach
Schaumroinfeld
A große Wiesn picksiaß und weiß
Es riacht nach Kirtag und i greif
zu ana klanen Roin do schreit
“Guschl” da Bauer, “die san no net reif”
Soi ma leicht amoi ausprobieren
ausnahmsweis
am Schaumroinfeld spazieren
Es wa ma wurscht wann ma si
länger ruhig
am Schaumroinfeld verirrn
Probieren wird bestraft
die Schilder blitzen rot und weiß
des bissl gstraft wean ungeschaut gschafft
wann i dafia in so a Roin beiß
Soi ma leicht amoi ausprobieren
ausnahmsweis
am Schaumroinfeld spazieren
Es wa ma wurscht wann ma si
länger ruhig
am Schaumroinfeld verirrn
A Strich in da Landschaft
Wir schrein und streitn fia eam
wir lebn und sterbn fia eam
feiern eam versteuern eam
verteidigen eam krampfhaft
Wir singen Liadl fia eam
tolerieren liagn fia eam
lassen Leit liegn wegen eam, pauschalisieren fia eam
dem Strich in da Landschaft
Nur a Strich mit am Stift
krampfhaft
nur a strich durchsichtig
in da Landschaft
Wir redn uns aussa fia eam
wir lassen uns grauslich wean
Mauern uns ein fia eam
Verstengans wanns kan Sinn macht
Wir schaun drauf dass man siagt
san dabei bis dass wer bliat
wann a wo anders zeichnt wird
Der Strich im da Landschaft
Kieselstana
A Hand voi Kieselstana
kana soi owifoin
i fang imma an zum wana
weil d’Händ weh dan vom hoitn
dann siag i imma an der sche glänzt
hö und kla
und i pass auf und i hoit
dass kana owifoit
Kieselstana nix verschenken nix versama
Kieselstana lassen mi wana
Schotter ausm Schotterteich
a gstopfte Hand fias Königreich
Kieselstana nu ana vielleicht
Schotter in die gstopfte Hand
i glaub dass nu mehr geht
die Stana vom Sandstastrand
hob i eh nu net
Da Unterarm verkrampft
die Finger gebn nach
aushoin und mit Dampf
die Stana zruck in Bach
Kieselstana nix verschenken nix versama
Kieselstana lassen mi wana
Schotter ausm Schotterteich
a gstopfte Hand fias Königreich
Kieselstana nu ana vielleicht
Heite wird vorbeigeh
A zweiter Polster
a dritte Deckn
Augen zua, Schädelweh, Salbeitee
und versteckn
A zweites Glasl
a dritte Flaschn
Augen zua, Schädel hin, Nikotin
und loslassen
A heite wird vorbeigeh
heite wird passiern
Heit miaß ma nur schaun
dass ma morgen net verlieren
Heit kann nimma gwunga wean
Heite duat es weh
Heit is nua ans wichtig
es wird vorbeigeh
Da schenste Tag
die Leit zelebriern
Fenster zua, in d’Küch quäln, Mikrowön
vegetiern
A heite wird vorbeigeh
heite wird passiern
Heit miaß ma nur schaun
dass ma morgen net verlieren
Heit kann nimma gwunga wean
Heite duat es weh
Heit is nua ans wichtig
es wird vorbeigeh
Heit woa gestern scho angschlagn
und spätestens heit verlorn
gestern woa heit koit
und heit is dafroan